Tiranë, 25 Dhjetor NOA - Tashmë është bërë dhe zyrtarizimi për pilotin Gjerman Michael Schumacher i cili vitin e ardhshëm do të kthehet në Formula 1 dhe do të garojë për Mercedes.
Deklarimi i kësaj u dha nga vetë skuderia gjermane e cila bëri zyrtare sot lidhjen e kontratës për Michael Schumacher dhe deklaroi se shoku i tij i skuadrës do të jetë bashkatdhetari i tij Nico Rosberg. Skuadra do të drejtohet nga Ross Braën i cili ka punuar shumë me Schumacher dhe me të gjermani ka fituar 5 tituj kampion.
Shumi ka firmosur me Mercedes një kontratë një vjeçare nga e cila do të ketë një fitim të ardhurash prej 7 milion eurosh.
"Pas tre vjetësh mungesë tani kam sërish energjitë e duhura për të garuar dhe do të luftoj për të fituar titullin kampion", - kanë qenë fjalët e para të gjermanit në këtë aventurë të re në skuderinë e Mercedes.
Me sa duket dhe problemet me qafën që u shfaqën për gjermanin kur kërkoi të zëvendësonte Felipe Massën tek Ferrari janë zhdukur dhe gjendja e tij është optimale për të filluar një sezon fantastik në Formula 1.
r.b/OA
