Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Elbasan, sulm me armë një të riu me synimin për ta vrarë
English

Elbasan, sulm me armë një të riu me synimin për ta vrarë

Elbasan, 26 Dhjetor NOA - Sulm i armatosur ndaj një të riu në Elbasan, nga disa persona të cilët pasi nuk arritën dot të përmbushin "misionin", u larguan në drejtim të paditur dhe policia arriti para disa minutash të prangosë vetëm njërin prej tyre.

Korrespondenti i agjencisë NOA njofton se ngjarja ka ndodhur mbrëmë në lagjen "Brigada e 17 Sulmuese", në qytetin Elbasan, kur policia lokale u informua për një tentativë vrasjeje me armë zjarri.

"Nga veprimet e para procedurale të kryera rezultoi se, për motive ende të paqarta, është tentuar të vritet me armë zjarri pistoletë, J.P., 29 vjeç, lindur dhe banues në lagjen "Shënkoll" Elbasan', - i thanë NOA-s burime policore në vendngjarje.

Mësohet se i riu është plagosur nga persona ende të paidentifikuar të cilët më pas janë larguar nga vendi i ngjarjes në drejtim të paditur.

Policia konfirmoi se mesditën e sotme, arriti të identifikojë dhe arrestojë të dyshuarin kryesor të krimit, i cili është Mirjan Pal Dedja, 27 vjeçar, lindur e banues në lagjen ‘Vriserion Xhuvani" Elbasan.

Gjithashtu në cilësinë e provës materiale iu sekuestrua dhe pistoleta, si armë e krimit. Policia tha se po vazhdon puna për identifikimin autorëve të kësaj ngjarjeje kriminale si dhe dokumentimin e plotë ligjor të saj.

I riu i prangosur është tani nën akuzë për veprat penale ‘Vrasje me dashje e mbetur në tentativë", "Mbajtja pa leje e armëve luftarake dhe të municionit pa lejen e organeve kompetente".

a.k/e.r/NOA

KOMENTE