Tiranë, 31 dhjetor NOA - Një 23-vjeçar është arrestuar dje nga policia pasi ka aksidentuar për vdekje një 62-vjeçar.
Aksidenti ndodhi mbrëmë në "Rrugën e Durrësit" në Tiranë kur Bledar Nazif Miha, 23-vjeç i cili po udhëtonte me automjetin tip-Audi me targë DV 546 JP, ka aksidentuar me vdekje këmbësorin Hamit Çarçani, 62-vjeç, banues në Tiranë, i cili në momentin e aksidentit, po tentonte të kalonte rrugën nga e krahu i majtë në të djathtë.
Pas aksidentit drejtuesi i mjetit është larguar nga vendi i aksidentit dhe pas disa orësh është dorëzuar vetë, në Komisariatin e Policisë Rrugore.
U kryen veprimet proçeduriale, materialet do t'i kalojnë Prokurorisë, për veprat penale të "shkeljes së rregullave të qarkullimit rrugor" dhe "largimi nga vendi i aksidentit".
k.k/NOA
