Teheran, 4 janar, NOA - Përmes një letre drejtuar supremit Ajatullah Ali Khameinit, 88 profesorë të universiteteve në Iran kanë apeluar pranë tij me kërkesën që t'i jepet fund dhunës ndaj protestuesve të opozitës. Konkretisht, letra kërkon arrestimin e përfaqësuesve të linjës së ashpër që kanë sulmuar protestuesit.
Ndërkaq, Bashkimi Europian ka ngrirë marrëdhëniet diplomatike me Iranin, pasi një grup europarlamentarësh kanë anuluar vizitën në Teheran të programuar për periudhën 7-11 janar.
Lajmin e bëri të ditur sot Ministria e Jashtme e Iranit nëpërmjet zëdhënësit Ramin Mehman-Parast, pasi disa europarlamentarë ishin shprehur kundër kësaj vizite pas sulmit të policisë ndaj protestuesve opozitarë.
n.e/NOA
Â
