Bulqizë, 5 janar, NOA - Një aksident i rëndë, me pasojë vdekjen e një personi dhe plagosjen e dy të tjerëve ka ndodhur paraditen e sotme në zonën aksin Burrel-Bulqizë. Nga informacionet paraprake të policisë, mësohet se ai është shkaktuar për shkak të ngricave në rrugë, duke bllokuar qarkullimin normal të automjetit me të cilin udhëtonin dy pasagjerë.
Pikërisht, njëri prej tyre ka mbetur i vdekur në vend pasi automjeti doli nga rruga, ndërsa shoferi dhe pasagjeri tjetër janë plagosur dhe rezultojnë në gjendje të rëndë shëndetësore.
Personat e aksidentuar janë ende të paidentifikuar dhe mësohet se aksidenti ka ndodhur konkretisht në vendin e quajtur Qafa e Buallit.
Grupi hetimor ka mbërritur në vendngjarje dhe po merr në shqyrtim të gjitha provat e mundshme për sqarimin e rrethanave të aksidentit dhe shkaqet që çuan në krijimin e tij.
n.e/NOA
Â
Â
