Athinë, 10 Janar NOA - Partia e të majtës greke PASOK ka denoncuar vënien e bombës dje përpara parlamentit si sulm që i bëhet demokracisë. "Dikush dëshiron të luajë me demokracinë, e ne duhet të përgjigjemi", - ka thënë sekretari i partisë socialiste Christos Papoutsis. Deri tani asnjë grup apo organizatë nuk ka marrë përsipër atentatin e djeshëm.
Bomba me sahat, e një fuqie të lartë, shpërtheu dje në orën 19.59, në një kazan plehrash pranë parlamentit grek, pak metra larg Ushtarit të Panjohur ndërsa brenda ishin deputetë të PASOK-ut.
Nuk pati viktima edhe pse vendi ku ndodhi shpërthimi, ishte i popullarizuar natën e së shtunës.
Policia, e cila e vendosur normalisht rreth parlamentit, ka ndërhyrë menjëherë duke rrethuar vendin pas një telefonate anonime në gazetën e përditshme "Elefterotipia". Bomba shpërtheu 17 minuta pas njoftimit në gazetë.
a.k/NOAÂ
