Tiranë, 10 janar NOA - Ministria e Punëve Publike, Transportit dhe Telekomunikacionit  urdhëroi sot bllokimin e aksit rrugor Qafë Mali -Fierzë.
Shkak është bërë rrezikshmëria që paraqitet në këtë zonë si rezultat i rrëshqitjeve të dherave.
Sipas njoftimit të MPPTT qarkullimi për në Tropojë do të kryhet duke ndjekur trajektoren Kukës- Kam- Sopot- Bajram Curri" Aksi Qafë- Mali Fierzë u lirua sot në mëngjes pasi gjatë natës ishte bllokuar për shkak të shembjes së një masivi dheu në afërsi të hidrocentralit të Fierzës.
Masivi i dheut zuri trasenë e rrugës Qafë Mali-Fierzë. Ngjarja ndodhi rreth orës 22.20 minuta të së shtunës. k.k/NOA
