Kabul, 12 janar, NOA - Për të parën herë prej vitesh shumica e popullsisë në Afganistan e sheh me optimizëm të ardhmen. Një fakt i tillë pohohet nga rezultatet e një sondazhi të zhvilluar me popullsinë e këtij vendi, të pyetur nëse kanë besim tek qeverisja e tyre dhe sesi e shohin të ardhmen.
Sipas sondazhit në fjalë, 70 përqind e afganëve mendojnë se vendi i tyre është në rrugën e duhur, ku duhet përmendur fakti se kjo masë shënon 30 përqind më shumë të atyre që e kanë pohuar një gjë të tillë një vit më parë.
Ata e shohin të lidhur optimizmin e tyre me lehtësimin në lidhje me përfundimin e zgjedhjeve presidenciale si edhe ndryshimin e atmosferës politike pas tyre, të cilat duket se ndikuan në përmirësimet e ndjeshme të kushteve të jetesës.
n.e/NOA
