Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Tërmeti godet Haitin, shemben godinat qeveritare, dhjetëra të humbur nën rrënoja
English

Tërmeti godet Haitin, shemben godinat qeveritare, dhjetëra të humbur nën rrënoja

Porto Princ, 13 janar, NOA - Haiti është goditur nga një tërmet i fuqishëm me epiqendër në afërsi të kryeqytetit të tij, Porto Princ, duke shkaktuar shkatërrime të konsiderueshme në ndërtesa dhe njerëz.

Sipas ekspertëve të këtij vendi, ky është tërmeti më i fuqishëm që ka goditur këtë vend që prej dy shekujsh.

Të dhënat e mediave vendase tregojnë se pallati presidencial dhe ndërtesa të tjera qeveritare në kryeqytetin e vendit janë dëmtuar rëndë së bashku me shumë ndërtesa banimi, por ende nuk ka konfirmime për numrin e viktimave të shkaktuara nga gjendja nën rrënoja e shumë trupave ende të pagjetur.

Tërmeti me një fuqi 7 ballë i shkallës Rihter u shoqërua me pasgoditje dhe përfshiu një lëkundje e cila kapi masën prej 5.9 ballë, duke rritur pritshmërinë e mjaft dëmeve në këtë rajon të shkaktuara prej forcës së madhe goditëse të tij.

Bëhet me dijeni ndërkaq se lëkundjet e tërmetit u ndjenë edhe në Republikën Domenikane e cila ndan ishullin Hispanola me Haitin.

Haiti gjithashtu shtrihet në mes të rripit të stuhive detare, duke e bërë atë vend objekt të stuhive të fuqishme tropikale gjatë stinës verore të Hemisferës Veriore.

n.e/NOA

KOMENTE