Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Maqedoni, PDSH: Qeveria po shkel Ligjin e Amnistisë
English

Maqedoni, PDSH: Qeveria po shkel Ligjin e Amnistisë

Qeveria nuk po respekton Ligjin për amnisti dhe për pasojë shumë ish-pjesëtarë të UÇK-së po përfundojnë në burgje, ka vlerësuar PDSH-ja opozitare, duke fajësuar për këtë partinë shqiptare në Qeveri. Por, BDI-ja ka hedhur poshtë akuzat, duke shtuar se Ligji për amnisti do të respektohet dhe se për këtë janë në kontakte me partinë e kryeministrit Gruevski

Isuf Kadriu*

Partia Demokratike Shqiptare ka drejtuar një sërë akuzash ndaj Bashkimit Demokratik për Integrim në Qeveri, duke e akuzuar për paaftësi në qeverisje dhe për pasojë përkeqësimin e pozitës së shqiptarëve në Maqedoni. PDSH-ja konsideron se me arrestimet e fundit të ish-pjesëtarëve të UÇK-së, Qeveria po shkel rëndë Ligjin për amnisti, duke e bërë të pasigurt lëvizjen, por edhe jetën e tyre. "Jemi dëshmitarë se kjo qeveri ka intensifikuar represionin ndaj ish-pjesëmarrësve në konfliktin e vitit 2001. Në rastin ‘Punëtorët e Mavrovës', me burgosjen e Shkodran Idrizit dhe Kadri Sulejmanit, ajo shkeli ligjin, i cili pamundëson çfarëdo ndjekjeje penale për pjesëmarrësit e konfliktit të vitit 2001". "Përgjegjësit e kësaj katrahure, me pafytyrësi dhe papërgjegjësi totale, japin deklarata idioteske, se gjoja kjo qenka tentim për të hapur katër rastet e Hagës, përderisa për çdo ditë arrestohen të akuzuar të tjerë", tha Imer Aliu, deputet dhe anëtar i Kryesisë së PDSH-së. Pikërisht, paralajmërimet nga pala maqedonase për hapjen e rasteve të konfliktit të vitit 2001, që janë kthyer nga Haga, ishin një nga arsyet që PDSH-ja të braktisë Kuvendin e Maqedonisë, duke e kushtëzuar kthimin me miratimin e një vendimi për mbylljen përfundimtare të proceseve gjyqësore, që kanë të bëjnë me konfliktin e 2001-shit në Maqedoni. Duke komentuar akuzat e Partisë Demokratike Shqiptare, koordinatori i Grupit Parlamentar të Bashkimit Demokratik për Integrim, Tahir Hani, u shpreh: "PDSH-ja, nga pozicioni opozitar, bën gjykime të pabaza, pasi që qëndrimi i BDI-së është shumë i prerë dhe shumë i qartë, se Ligji për amnisti duhet të respektohet, pasi Kuvendi i Maqedonisë ka miratuar këtë ligj, i cili do të respektohet. Në këtë drejtim, nuk ka asnjë dilemë, se këto raste do të mbyllen me Ligjin e amnistisë", deklaroi Hani. Ndërkohë, ekspertët për çështje juridike vlerësojnë se arrestimet e fundit janë në kundërshtim me Ligjin për amnisti. Juristi Rufi Bakiu tha se arrestimet e fundit dhe hapja e proceseve të reja gjyqësore mund të ndërlikojnë situatën e përgjithshme në Maqedoni. "Mendoj se kjo më tepër është një presion politik, sesa që ka të bëjë me ndjekjen e procedurave të reja juridike për të ndjekur ish-pjesëtarët e UÇK-së". "Mendoj se është e pabazë përsëritja e proceseve gjyqësore në Maqedoni, me vetë faktin e miratimit të Ligjit të amnistisë, që nënkupton lirimin nga ndjekja të të gjithë personave që kanë qenë pjesëtarë të këtij konflikti, pasi kjo çështje është procesuar në Gjykatën e Hagës dhe si proces konsiderohet i mbyllur", deklaroi Rufi Bakiu. Përveç rastit për keqtrajtimin e punëtorëve të një firme ndërtimore në vitin 2001 nga, siç thuhet, ish-luftëtarët shqiptarë, në procedurë gjyqësore janë edhe katër raste të tjera, që nëse hapen, në bankën e të akuzuarve do të gjendeshin të gjithë drejtuesit e lartë të ish-UÇK-së, që tani drejtojnë partinë Bashkimi Demokratik për Integrim.

(*) RFE

KOMENTE