Shkodër, 14 Janar NOA - Automjete ngarkuar me ndihma humanitare për banorët e prekur nga përmbytjet e veriut të Shqipërisë, mbërritën dje nëpërmjet pikës kufitare të Kapshticës.
Ndihmat u dërguan nga Ministria e Mbrojtjes së Greqisë dhe Kryqi i Kuq Grek, nëpërmjet Shërbimit për Bashkëpunim Zhvillimor të Ministrisë së Jashtme (Hellenic Aid).
Këto materiale u dorëzuan mëngjesin e sotëm, në ambientet e grumbullimit të ndihmave humanitare ne aeroportin e Gjadrit në Lezhë.
Ndër materialet e dërguara si ndihmë nga Greqia, ishin një pompë me pajisjet përkatëse, shumë e vlefshme për largimin e ujërave që kanë përmbytur zonat e banuara në Shkodër, një gjenerator elektrik, por edhe ushqime, ilaçe dhe material tjetër mjekësor, me një peshë të përgjithshme prej 5.7 tonësh.
r.b/NOA
