Tiranë, 20 Janar NOA - Edhe politika hyri në mes të incidentit që ndodhi sonte në stadiumin "Qemal Stafa" në kryeqytet, pasi Partia Socialiste para pak çastesh doli me një reagim zyrtar.
Deputeti Eduard Shalsi, duke fshikulluar rastin, tha se Sali Berisha sot uli edhe një herë tjetër kuotat e shqiptarëve.
"Ky njeri që e ka emrin Sali Berisha, jo vetëm që nuk di të nxjerrë qimen nga qulli në çështjet e qeverisjes dhe punëve të shtetit, por paska patur qimen e derrit, duke sjellë fatkeqësi dhe tersllëqe", - deklaroi SHalsi,
Kurse shtoi: "Sot edhe pse në një ditë festive siç duhet të ishte ndeshja me Real Madridin, na bëri gazin e botës me mungesën e energjisë. Në vend që të menaxhojë dhe ulë kuotat e hidrocentraleve, Sali Berisha sot uli edhe një herë tjetër kuotat e shqiptarëve".
e.r/NOA
