Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PS: Shembjet e rrugës së kombit, qeveria po hesht
English

PS: Shembjet e rrugës së kombit, qeveria po hesht

"Tuneli i Kalimashit, vazhdon të jetë i mbyllur, dhe ende askush nuk jep shpjegime, as për atë çka ndodhi në tunel, e as për masat e marra nga kjo qeveri që rruga e kombit të bëhet sërish e kalueshme dhe e përdorshme nga qytetarët shqiptarë e kosovarë"

Tiranë, 23 Janar NOA - Partia Socialiste në një tjetër dalje për mediat, akuzoi sot qeverinë se po hesht për shembjet e rrugëve në akse të rëndësishme kombëtare dhe ilustroi me dëmtimin sipas saj prej 4 ditësh, të ndodhur në rrugën Durrës-Kukës.

Prej 4 ditësh, Ministria e Transportit hesht, duke u përpjekur të mbajë të fshehur të vërtetën e asaj që po ndodh me rrugën e kombit, - thuhet në një reagim të selisë rozë i përcjellë sot, nga deputeti i PS, Gjovalin Kadeli.

"Tuneli i Kalimashit, vazhdon të jetë i mbyllur, dhe ende askush nuk jep shpjegime, as për atë çka ndodhi në tunel, e as për masat e marra nga kjo qeveri që rruga e kombit të bëhet sërish e kalueshme dhe e përdorshme nga qytetarët shqiptarë e kosovarë", - vëren PS.

Fatkeqësisht, - vijon reagimi, - katastrofat e krijuara nga papërgjegjshmëria e Sali Berishës po vijnë njëra pas tjetrës, dhe qeveria e votave të vjedhura është kthyer në një skuadër zjarrfikësish, që ka gjithmonë një zjarr për të shuar.

Në këtë pikë, PS shtron një mori pyetjesh: "Çfarë po ndodh me rrugën e Kombit? Përse po shembet dita ditës, pjesë-pjesë? Ç'po ndodh në tunel? Kur do të hapet ai? Sa do të kushtojë? Po shembjet e pjesëve të tjera të rrugës, faji i kujt është? Përse po ndodhin? Kur do të riparohen? Sa do të kushtojnë riparimet dhe kush do i paguajë këto para?

Akoma po vazhdoni të merrni borxh për të larë borxhet ku një pjesë do ta përdorni për investime, mos vallë do ketë fatin e shpërdorimit të madh si më parë?".

Të gjitha këto pyetje, - vlerëson PS, - janë pyetjet e shqiptarëve, për të cilat qeveria e votave të vjedhura është e detyruar të japë përgjigje.

e.r/NOA

KOMENTE