PS: Kushtetuesja "kapi mat" Berishën
Tiranë, 27 Janar NOA - Zëvendëskryeministri Ilir Meta, njëkohësisht ministër i Jashtëm, tha sot pak minuta para nisjes për në Londër se vendimi i Gjykatës Kushtetuese për të rrëzuar marrëveshjen e kufirit detar Shqipëri-Greqi, nuk duhet dhe nuk do të ndikojë në lidhjet mes dy vendeve.
"Ne do të respektojmë vendimin e gjykatës sepse kjo vjen nga respekti i qeverisë për institucionet e drejtësisë në vend, pavarësisht argumenteve që ne kemi për marrëveshjen", - deklaroi z.Meta, duke komentuar vendimin e Kushtetueses.
"Ne do të analizojmë me kujdes, - paralajmëroi Meta, - çdo argumentim që Gjykata Kushtetuese ka bërë për vendimin e dhënë.
Kurse në përfundim të qëndrimit tha se "pavarësisht nga vendimi i Gjykatës Kushtetuese, marrëdhëniet Shqipëri- Greqi janë marrëdhënie që do të ecin përpara".
e.r/NOA
Lexoni reagimin e PS: PS: Kushtetuesja "kapi mat" Berishën
