Kabul, 30 janar, NOA - Përfaqësuesit e talebanëve në Afganistan nuk janë takuar me zyrtarin e lartë të Organizatës së Kombeve të Bashkuara, Kai Aide, siç është përfolur nga mediat kohët e fundit. Lajmi është konfirmuar pas një njoftimi të nxjerrë nga Këshilli udhëheqës i talibanëve, sipas të cilit për të diskutuar për perspektivën për paqe në Afganistan nuk ka patur asnjë takim të këtyre me zyrtarët e OKB-së.
Sipas njoftimit nga Këshilli udhëheqës i talibanëve raportet në disa media ndërkombëtare për takimin ndërmjet të dërguarit të OKB-së për Afganistanin, Kai Eide dhe përfaqësuesve të militantëve në Dubai këtë muaj janë "thashetheme të kota dhe të pabaza". Vetë Kai Aide nuk e ka pranuar publikisht një takim të tillë, por sekretarja amerikane e shtetit, Hillari Klinton, tha se zyrtari ka dëshiruar "që ta ketë konkludimin e tij lidhur me mendimin e disa anëtarëve të talibanëve".
n.e/NOA
