Savona, 3 Shkurt NOA - Janë arrestuar nga forcat policore të Savonës një grup prej pesë personash me akuzën e trafikimit të lëndëve narkotike dhe të prostitucionit, ku pjesë e këtij grupi kriminal ishin dhe dy shqiptarë.
Bëhet fjalë pikërisht për shtetasit shqiptar Fadil Rustemi, 34 vjeç, i cili merrej me punë artizanale, dhe Ismail Myftari, 44 vjeç me profesion shofer të cilët u arrestuan së bashku me shtetasit italianë Filippo Lo Picolo, 47 vjeç, Luca De Meglio, 41 vjeç, dhe Daniele Vaca, 35 vjeç.
Me sa duket kanë qenë pikërisht dy shqiptarët të cilët mbanin në zotërim dy gra të cilat ishin të martuara dhe i shfrytëzonin ato për qëllime prostitucioni.
Krahas kësaj akuze ky grup akuzohet dhe për trafikim të lëndëve narkotike ku pas arrestimit të tyre forcat policore deklaruan se ata kishin dhe preçedentë penalë të mëparshëm.
r.b/NOA
