Berlin, 3 Shkurt - Një gjerman i cili e kishte humbur rrugën në errësirë teksa po bredhte rreth një akullnaje afër bregdetit, është shpëtuar nga një grua 500 km më larg, e cila e kishte vërejtur me webcam apo kamerë kompjuteri.
Policia tha se njeriu kishte shkuar në detin e ngrirë në veri të Gjermanisë të fotografojë perëndimin e diellit, por ishte çorientuar kur kishte rënë nata. Ai e kishte ndezur baterinë e xhepit dhe rrezet ishin kapur nga kamera e gruas, e cila gjithashtu vëzhgonte perëndimin e diellit me webcam-in e saj të instaluar në breg. Gruaja e kishte alarmuar policinë, e cila arriti ta nxjerrë njeriun para ardhjes së baticës. /rfe/
