Çmimi i naftës ka rënë ndërsa vlera e dollarit amerikan është rritur nga shqetësimet për forcimin e rimëkëmbjes së ekonomisë globale. Në bursën e Nju Jorkut, një fuçi nafte u tregua për 71.19 dollarë, ndërsa vlera e dollarit arriti nivelin më të lartë krahasuar me euron në tetë muajt e fundit.
Për dollarin amerikan, viti 2009 ishte vit i rënieve dhe i ngritjeve, derisa Shtetet e Bashkuara e luftuan recesionin më të thellë për disa dekada.
Në fillim të krizës globale financiare, në fund të vitit 2008, dollari fillimisht kishte fituar në vlerë, derisa investitorët ishin larguar nga tregjet me rrezikshmëri për sigurinë relative të monedhës së Shteteve të Bashkuara.
