Fier, 12 shkurt, NOA- Policia e Fierit ka bërë të mundur arrestimin e dy të rinjve për trafik droge dhe armëmbajtje pa leje. Lajmi konfirmohet nga Seksioni Kundër Narkotikëve në Drejtorinë e Policisë Qarkut Fier. Nga operacioni i koduar me emrin "Expres" ranë në pranga, Ermal Mihali dhe Armelin Selimi, banues në fshatin Mertish të Lushnjës.
Sipas policisë "arrestimi i tyre u bë në vendin e quajtur fshati Këmishtaj, ndërsa po transportonin nga fshati Mërtish i rrethit Lushnjë për në drejtim të qytetit të Lushnjës, një sasi lende e dyshuar narkotike cannabis sativa, me peshë 1 kg".
Pas kontrollit të banesës së Armelin Semini, u gjet edhe një sasi tjetër lënde narkotike me peshe 12 kg, si dhe një armë gjahu të cilën e mbante pa leje.
Policia bënë të ditur se në cilësine e provës materiale janë sekuestruar, 2 telefona celulare, një motor, sasia prej 13 kg lende e dyshuar narkotike cannabis sativa si dhe arma e gjahut.
xh/NOA
