SHBA, 13 shkurt, NOA - Së paku tre të vdekur dhe tre të plagosur, dy prej tyre në gjendje kritike. Ky është bilanci i shkaktuar në Fakultetin e shkencave në Universitetin e Alabamës në Huntsville (SHBA). Amy Bishop rreth 40 vjeçe, pedagoge në katedrën e biologjisë specialiste e shkëlqyer në neurologji, e diplomuar në Universitetin prestigjioz të Harvardit ka qëlluar mbi kolegët pasi mësoi se kërkesa e saj si docente nuk është aprovuar dhe pozicioni i saj ishte i përkohshëm.
Sipas zëdhënësit të Universitetit,Ray Garner ngjarja ka ndodhur gjatë një seminari në biologji.
Amy Bishop është arrestuar dhe bashkë me të dhe një person tjetër, i cili dyshohet se është i shoqi i pedagoges, por nuk është e qartë nëse ai është e përfshirë në masakrën. Policia ka rrethuar menjëherë universitetin dhe njoftohet se nuk ka studentë të plagosur. Një nga të plagosurit mësohet se punonte në universitet, por nuk ishte pjese e stafit pedagogjik.. "Universiteti do të qëndrojë i mbyllur deri në një njoftim tjetër", tha zëdhënësi i Universitetit.
a.k/NOA
