Lushnje, 22 shkurt, NOA - Një 45 vjeçar nga qyteti i Lushnjes është gjetur i vdekur në trasenë e shinave të trenit. Lajmi bëhet i ditur nga policia e qytetit të Lushnjes, ku sqarohet se i vdekuri kish probleme me alkolin dhe në trupin e tij nuk ka pasur shenja dhune.
"Nga veprimet e para hetimore rezultoi se trupi i pajetë i përket shtetasit Behar C, 45 vjeç, banues në Lushnje. Në trupin e viktimës nuk u vërejtën shenja dhune dhe në vijim të veprimeve hetimore ky shtetas njihej si përdorues alkoli, tej normave të lejuara", thuhet në njoftimin e policisë në lidhje me ngjarjen.
Policia sqaron se 45 vjeçari është gjetur sot rreth orës 07.00, në vendin e quajtur "Stacioni i trenit" në fshatin Dushk të rrethit Lushnjë.
m.xh/NOA
