Napoli, 26 Shkurt NOA - Lojtari i Napolit i cili është dëshira e shumë ekipeve të mëdha evropiane Marek Hamsik ka shprehur dëshirën e tij për të rinovuar kontratën me ekipin e tij të Napolit.
Kjo javë që do të vijë pritet të jetë vendimtare për lojtarin pasi mendohet se ai do të vendosë të shtyjë kontratën e tij me këtë ekip apo të mos e rinovojë një të tillë.
"Shpresoj të rinovoj sa më shpejt madje në qoftë se dëshirojnë drejtuesit, unë jam i gatshëm të rinovoj me këtë skuadër dhe për 15 vite të tjera", - ka deklaruar lojtari duke konfirmuar se kërkon të qëndrojë tek ky ekip.
Këtë javë është një ndeshje mjaft e vështirë për Napolin i cili do të përballet me Romën ku kjo e fundit ka dy vite rresht që fiton brenda në "San Paolo" dhe Hamsik ka kërkuar që kjo gjë të ndryshojë duke thënë se ata do të kërkojnë fitoren, por duhet të bëjnë një lojë mjaft të mirë.
r.b/NOA
