Shkodër, 26 shkurt, NOA - Sipërfaqja e tokës së përmbytur deri në këto momente llogaritet të jetë 6750 hektarë, ndërsa 108 shtëpi rezultojnë të përshkuara nga uji dhe 805 të tjera janë të rrethuara prej tij.
Këto të dhëna mbi situatën më të fundit të përmbytjeve në zonat veriore të vendit të prezantuara edhe nga drejtoria Rajonale e Bujqësisë, sipas të cilës numërohen edhe 375 persona të evakuar.
"Në Daragjat të Komunës Dajç dhe në Ças të Komunës Velipojë po punohet për përforcimin e argjinaturave, ndërsa në Ashtë të Komunës Bushat vazhdojnë punimet për forcimin e vendit ku rrezikohet shembja e disa shtëpive", thuhet në njoftimin zyrtar mbi përmbytjet.
Duke shtuar se "për shkak të nivelit të ujit disa akse rrugore janë të kalueshme vetëm nga automjetet e larta, si aksi rrugor nga Kthesa e Dajçi deri tek ura e Shirqit, aksi i rrugës së Obotit dhe Gorricës në Komunën Ana e Malit dhe aksi rrugor Bërdicë-Velipojë tek ura e Gjo Lulit, ndërsa në aksin e rrugës nacionale tek Harku i Bërdicës nuk ka prezencë uji".
Lista me të dhëna mbi përmbytjet
Nr.
Njësia vendore
Tokë e përmbytur
Përsona të evakuar dhe të akomoduar
Shtëpi të përmbytura
Shtëpi të rrethuara nga uji
1
B. Shkodër
100 ha
250
5
60
2
K. Dajç
1800 ha
110
35
150
3
K. Ana Malit
800 ha
15
165
4
K. Velipojë
1300 ha
15
53
150
5
K. Bërdicë
1100 ha
120
7
K. Bushat
1200 ha
30
8
K. Guri Zi
300 ha
130
9
K. Rrethina
150 ha
Gjithsej
6750 ha
375
108 shtëpi
805 shtëpi
n.e/NOA
