Mitrovicë, 28 Shkurt NOA - Arrestohet i dyshuari për aksidentin me pasoja fatale që ndodhi pardje rreth orës 20:00, në rrugën rajonale Mitrovicë - Vushtrri.
Tragjedia rrugore ndodhi në fshatin Shtitaricë të Vushtrrisë kur një veturë në lëvizje kishte goditur një këmbësor 22 vjeçar. Si pasojë e lëndimeve viktima ndërroi jetë në qendrën mjekësore në Vushtrri.
I dyshuari pas aksidentit nuk kishte ndalur fare veturën dhe kishte vazhduar në drejtim të panjohur.
Pas kërkimeve që policia në Vushtrri kreu, tha sot se ka arrestuar personin e dyshuar, një serb 22 vjeçar, ndaj të cilit me urdhër të Prokurorit është caktuar masa e ndalimit policor.
Pas arrestimit është kuptuar se i dyshuari aksidentin e kishte shkaktuar me automjetin i tipit VW Golf 19 E, ngjyrë e bardhë me targa KS.
a.b/NOA
