Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kriza politike, shoqëria civile: Politika të tregohet e matur
English

Kriza politike, shoqëria civile: Politika të tregohet e matur

Tiranë, 3 mars, NOA - Kriza politike në vend dhe mungesa e një konsensusi mes dy partive të mëdha politike ka mbledhur në një tryezë shoqërinë civile, e cila në një forum me teme "Shteti demokratik në Shqipëri", ka diskutuar mbi situatën aktuale politike.

E organizuar nga Instituti Shqiptar për Studime Ndërkombëtare, forumi kishte për qëllim të analizonte shkaqet që çuan vendin në krizë.

Gjatë diskutimin e tij, drejtori i Institutit për Studime Ndërkombëtare, Albert Rakipi, ka theksuar se kriza politike po tregon një shkallë të ulët maturie të politikës, e cila do të ndikojë shumë në procesin e integrimit të vendit në familjen evropiane.

"Të gjithë ne jemi të ndërgjegjshëm se kjo situatë do të ndikojë në shumë reforma që po ndërmerr vendi, qofshin këto ekonomike apo politike.

Duke nisur që nga procesi i liberalizimit të vizave, proces të cilin po e presim të gjithë", u shpreh Rakipi, i cili ishte dhe moderator i forumit.

Drejtori i Transparencë International Albania, Lutfi Dervishi ka deklaruar se ky konflikt politik është një beteje e humbur e imazhit të vendit.

"Ndërmjetësimi i misioneve të ndryshme të huaja të cilat kanë zbarkuar në Tiranë, në zgjidhjen e krizës politike, të jep idenë se në Shqipëri po zhvillohet një konflikt i thellë, në një kohë kur për probleme të mëdha aktuale të vendit siç ishte ngjarja e përmbytjeve në Shkodër, nga ana e dy partive ka pasur consensus", u shpreh Dervishi.

Sipas tij, është shumë e rëndësishme që politika të fokusohet tek problemet kronike, për të cilat duhet gjetur një zgjidhje e shpejtë.

Në diskutimet e tyre, drejtuesit e disa organizatave jofitimprurëse në vend të cilët operojnë në fusha të ndryshme të jetës sociale, ekonomike e politike kanë kërkuar që politika të dëgjojë sugjerimet e saj dhe të respektohen normat e një shteti demokratik, vlerat e të cilave, kjo krizë e krijuar po i vë në diskutim duke cenuar në të njëjtën kohë imazhin e vendit.

b.a/NOA

KOMENTE