Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kryepolici Burgaj negocion me Shkupin
English

Kryepolici Burgaj negocion me Shkupin

Tiranë, 3 Mars NOA - Drejtori i Përgjithshëm i Policisë së Shtetit, Hysni Burgaj, zhvilloi sonte një takim pune me Drejtorin e Përgjithshëm të Maqedonisë Ljupco Todorovski, ku në qendër të bisedës së zhvilluar ndërmjet Drejtuesve më të lartë të Policisë së dy vendeve dhe delegacioneve që i shoqëronin ishte forcimi i mëtejshëm i bashkëpunimit policor ndërmjet dy vendeve. Mësohet se po ashtu u diskutua dhe mbi probleme të bashkëpunimit me interes të përbashkët në fushën e rendit dhe sigurisë.

Duke vlerësuar arritjet pozitive të deritanishme në kuadër të bashkëpunimit ndërmjet policive respektive për goditjen e krimit të organizuar dhe menaxhimin e integruar të kufijve, pjesëmarrësit në takim evidentuan nevojën e forcimit të mëtejshëm të këtij bashkëpunimi, si në fushën e luftës kundër drogës, trafiqeve të paligjshme, e çdo lloj forme të kriminalitetit.

Në kuadër të këtij takimi Drejtorët e Përgjithshëm të Policisë të Shqipërisë dhe Maqedonisë evidentuan bashkëpunimin shumë të mirë policor ndërmjet dy vendeve dhe shprehën bindjen se intensifikimi i mëtejshëm i këtij bashkëpunimi do t'i shërbejë rritjes së efikasitet të strukturave policore të të dy vendeve në goditjen e krimit dhe në veçanti formave të organizuara të tij.

Drejtoria e Përgjithshme e Policisë së Shtetit tha se të pranishëm në këtë takim ishin dhe Zv/Drejtori i Përgjithshëm për Hetimin e Krimit, Agron Kuliçaj, si dhe Zv/Drejtori i Përgjithshëm për Kufirin e Migracionin, Pëllumb Nako.

e.r/NOA

KOMENTE