Torino, 4 Mars NOA - Arsenal vazhdon të jetë në kërkim të mesfushorit të Juventus, brazilianin Felipe Melo, ku këtë gjë e ka deklaruar dhe vetë trajneri i ekipit anglez, Venger i cili ka shprehur pëlqimin për këtë lojtar.
Juventus mund ta lërë të lirë lojtarin kjo dhe si arsye e provave zhgënjyese që ka dhënë ai në këtë kampionat. Duke parë këtë situatë, ekipi bardhë e zi është hedhur në merkato për të gjetur zëvendësuesin e tij dhe emri më i përfolur në ambientet e klubit është ai i Miguel Veloso.
Portugezi sipas shtypit të atij vendi ka kohë që ndiqet nga drejtuesit bardhë e zi dhe me sa duket, ata janë në tratativa për marrjen e lojtarit.
I vetmi problem në këtë marrëveshje është çmimi i lartë i tij, për të cilin flitet se shuma për marrjen e kartonit të Veloso, kap shifrën e 30 milion eurove.
r.b/NOA
