Fier, 8 Mars NOA - Një 43-vjeçar ka gjetur vdekjen sot në mesditë në afërsi të qytetit të Fierit, ndërkohë që përpiqej të kalonte rrugën për të shkuar në shtëpi, informon korrespondenti i agjencisë NOA.
Ngjarja ndodhi në Zhupan të Fierit. Burime policore i thanë agjencisë NOA se Qazim Hanaj 50 vjeç me banim në qytetin e Patosit aksidentoi me pasojë vdekjen, 43-vjeçarin Shkëlqim Selimi, banor i Fierit.
Nga hetimet e para bëhet e ditur se incidenti ndodhi kur i dyshuari po lëvizte në afërsi të fshatit Zhupan të Fierit, me mjetin e tij një autoveturë e markës "Audi" me targa FR 7643 A.
Policia ka ndaluar autorin e aksidentit dhe tha se po përpiqet të zbardhë rrethanat e aksidentit që i mori jetën në vend kalimtarit të rastësishëm.
e.b/r.n/NOA
