Madrid, 11 mars, NOA - Real Madridi është eliminuar nga Liga e Kampionëve, i mundur nga ekipi i Lionit në stadiumin "Santiago Bernabeu", pas një ndeshje barazuese me rezultatin 1-1. Kishte mëse 5 vjet rresht që ekipi i Realit eliminohej në këtë fazë të Ligës së Kampioneve dhe kjo gjë ndodhi edhe mbrëmë, megjithëse ishte ndoshta skuadra më e mirë e viteve të fundit.
Të gjithë po shpresonin të kualifikoheshin në fakt, pas një goli avantazhi që kishte shënuar Kristiano Ronaldo, por ekipi i Lionit shënoi më pas, duke mundësuar kështu moskualifikimin e tij.
Rastet nuk i munguan aspak ekipit të Real-Madridit, por nuk arriti të shënojë më, duke e lënë veten jashtë Ligës së Kampioneve, megjithë miliona euro që ka shpenzuar për të blerë emrat më në zë të futbollit botëror.
n.e/NOA
