Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Topi: Jam kundër hapjes së kutive
English

Topi: Jam kundër hapjes së kutive

Presidenti i Republikës pohon se ai është kundër hapjes së kutive të votimit të zgjedhjeve të 28 Qershorit. "Unë kam mbajtur një qëndrim të qartë, qëndrim që i takon këtij institucioni. Duhet të dini që në momentin që kanë filluar bisedimet, para se të pyes, apo të jap fjalën për pozicionin e partive, kam përcaktuar pozicionin që imponon Kryetari i Shtetit, i cili më shumë se partitë politike, të cilat kanë shumë opsione për zgjidhje politike, ka një dokument themeltar që është Kushtetuta". Kështu deklaroi kryetari i shtetit në një intervistë për Neës 24 Tv. Topi u vetëcitua se "kam thënë që çdo zgjidhje për Presidentin është një zgjidhje brenda këtij dokumenti, ose janë opsionet e partive që gjejnë zgjidhjen dhe kjo u takon absolutisht partive politike, që ato të zgjidhin çështjet, për të cilat kanë debatuar prej kohësh".

A u tejkalua kriza? Për çështje kaq të rëndësishme, pyetja është shumë lakonike.

Komuniteti ndërkombëtar investoi shumë tek ju, duke ju referuar si pikën e kontaktit të dy partive të mëdha, të dy kryetarëve të tyre dhe një rezolutë e Asamblesë Parlamentare të Këshillit të Evropës sugjeroi për të nisur negociatat mes Berishës dhe Ramës pikërisht në tryezën tuaj. Ju fillimisht kishit refuzuar ndërmjetësimin. Çfarë ju bëri që të ndryshonit mendim? Nuk besoj që të jetë kështu. Unë e kam thënë vazhdimisht që ky Institucion, i cili për këtë periudhë mbulohet nga ky person ka pasur gjithmonë detyrimin që të inkurajojë dialogun politik. Kështu që edhe në këtë këndvështrim gjithmonë ka pasur një predispozicion për t'u shprehur, për të inkurajuar një klimë politike normale në Shqipëri, e cila patjetër është pararendëse e shumë zhvillimeve pozitive, që kanë të bëjnë me reformat dhe me plotësimin e atyre aspiratave të thella që kemi si popull për t'u anëtarësuar, pas anëtarësimit në NATO, edhe në Bashkimin Evropian. Kështu që edhe në kontekstin e mjaft zhvillimeve politike, por dhe në përgjigje të pyetjeve që vijnë edhe nga media, ka pasur një gatishmëri dhe asnjëherë largim nga pozicioni aktiv, që duhet të luajë Kryetari i Shtetit jo për të ndërhyrë në vullnetin politik të partive, që sikurse e kam thënë janë ekskluzivitet i këtyre forcave politike, por për ta inkurajuar, për ta afruar në një klimë dialogu, e cila është e domosdoshme për të pasur zhvillime politike dhe demokratike në një vend. A ishin bisedimet të vështira? Unë besoj që nga zhvillimet politike të kohëve të fundit, nga mungesa e një dialogu politik, nga akuzat e ndërsjellta në distancë, gjëja më e rëndësishme është afrimi në një dialog në tavolinë dhe besoj që kjo patjetër do të sillte që edhe ecuria e bisedimeve do të kishte një metodikë të veçantë, kam parasysh që aktorët politikë nuk janë pa eksperiencë, kam parasysh që ka edhe disa detyrime që vijnë jo thjesht tek ata që kanë dhënë votën, por ka edhe detyrime ndaj partnerëve ndërkombëtarë për të ndërtuar një frymë dialogu, disa detyrime që kanë të bëjnë me zbatimin e një detyrimi, politik, kushtetues dhe institucional për vazhdimin e reformave. Besoj e dini që domosdoshmëria e një bashkëpunimi në Parlament është e lidhur me realizimin e disa reformave, të cilat kërkojnë një numër të caktuar. E thënë në mënyrë të përsëritur nga dikush, apo nga një krah politik mund të marrë edhe një lloj konotacioni jo të këndshëm, por unë do ta thoja këtë ndarë nga praktika politike e partive politike, e them këtë si President i vendit, si Kryetar i Shtetit, i cili ka detyrimin që të japë herë pas here mesazhe, të bëjë apelin e duhur që përtej debatit politik, duhet patjetër një lloj vëmendjeje për disa prej institucioneve që përbëjnë zemrën e shtetit, përbëjnë thelbin e demokracisë dhe natyrisht këto institucione kurrsesi nuk mund të bien në gjendje pa rrugëdalje, e aq më shumë të paralizohen. Kjo është arsyeja që unë kam bërë thirrje të herë pas hershme, duke respektuar vullnetet politike të partive. Kam qenë shumë i vëmendshëm në këtë pikë, sepse ndjeshmëria është e lartë, por brenda vullneteve të partive politike duhet patjetër të ketë edhe një moment, i cili e tejkalon debatin e ditës, plotëson disa detyrime që janë madhore për institucionet e Shqipërisë, sikurse thashë për të ruajtur strukturën e institucioneve të shtetit dhe pastaj debati politik është pjesë e betejës për demokraci, e cila në një vend demokratik, në një Parlament demokratik ka qenë, është dhe do të jetë. Do të jetë një ditë shumë e zymtë momenti, kur nuk do të ketë debat politik, pasi askush nuk duhet të trembet nga debati politik. Uroj që ky debat politik të ketë sa më shumë argumente dhe pas debateve politike, patjetër që duhet të precipitojnë zgjidhje, përndryshe ne futemi në një rreth vicioz, shkëmbejmë akuza, nuk dalim në zgjidhje dhe njerëzit, ju siguroj, që janë gjithmonë në pritje të zgjidhjeve, të cilat janë të tilla që kanë të bëjnë me interesat e tyre dhe interesat janë nga më të larmishmet. Interesat janë për një qetësi, për një stabilitet politik, interesat janë për një rritje të mirëqenies ekonomike, interesat e njerëzve janë për të lëvizur të lirë, pra, për të përfituar atë që vendet ku ne mendojmë të aderojmë, vendet e Bashkimit Evropian i kanë arritur prej vitesh, i gëzojnë. Dëshiroj të them që cikli i jetës, cikli biologjik është i tillë që duhet të bëjë që të gëzojnë edhe ata njerëz, të cilët kanë përjetuar dekada në izolim, kanë dëshirë që në vitet që i kanë mbetur ta gëzojnë lirinë, demokracinë, jo thjesht në retorika verbale, por ta gëzojnë realisht dhe akoma më shumë, të mendojnë edhe për fëmijët e tyre, që kërkojnë të jetojnë në një vend, që i ka të gjitha kushtet për të qenë një vend me begati ekonomike, një vend që nuk ka nevojë që ta ripërsëris, që është në qendër të Evropës, që domosdoshmërisht kërkon një klimë politike bashkëpunuese, që kërkon patjetër të realizojë reformat më thelbësore, që çdo njeri do ta bënte të lumtur në vullnetin e gjithësecilit, por edhe me mundin personal të gjithësecilit. Pra, e thënë ndryshe, është një përgjegjësi e madhe e klasës politike, e cila duhet domosdoshmërisht, nuk mund të jenë dëshira, nuk mund të ketë sens voluntarizmi që unë dëshiroj e bëj, dëshiroj nuk e bëj, por përderisa merr mbi supe përgjegjësi para elektoratit, përpara shoqërisë, patjetër që ka edhe detyrime që gjërat duhet të zgjidhen, duhet të avancojnë. Patjetër që duhet të ketë secili kurajon që gjërat t'i pranojë realisht, por duhet të ketë edhe kurajon që mbi bazën e interesave që përfaqësojnë, të gjejnë atë që është pika e përbashkët. Dhe pikat e përbashkëta njeriu i gjen vazhdimisht dhe i ka mundësitë, boll të jetë gatishmëria, të jetë ai vullnet për të parë larg, për të mos mbetur shpeshherë peng i retrospektivave politike, të cilat patjetër ne na kanë mbajtur të frenuar për një periudhë të gjatë. Folët për një pikë kontakti, për një zgjidhje që duhet të gjenin të dyja palët. Ju gjatë negociatave, të paktën kështu është perceptuar nga publiku, përse nuk bëtë një ofertë konkrete, një ofertë me detaje? Së pari kur unë flas për pika takimi, flas për çështje shumë parimore. Nuk dëshiroj të futem në çështje specifike, nuk dëshiroj të futem në detaje, sepse nuk ma lejon pozicioni, por edhe nuk kemi kohë të merremi me momente të vogla, pra njeriu duhet të ketë një vizion shumë parimor për të gjetur pikat e përbashkëta të takimit. Për të dalë tek pyetja juaj specifike, se përse unë nuk solla një ofertë, apo një dokument të përgatitur nga zyra e Presidentit, do të thoja që kishte një deklaratë shumë të qartë të Asamblesë Parlamentare të Këshillit të Evropës, e cila e vendoste, e inkurajonte Presidentin e Republikës që të krijonte klimën për dialog, ndërsa zgjidhja duhej të vinte nëpërmjet partive politike dhe besoj që jemi absolutisht në këtë lloj filozofie, jemi në këtë frymë, jemi në këtë metodikë dhe sot fatmirësisht unë e konsideroj progres që, nga momenti i mbledhjes së Asamblesë Parlamentare të Këshillit të Evropës, pas bisedimeve në Presidencë, sot kemi një dialog dhe debat në Parlament, ç'ka do të thotë që kemi një riinstalim të dialogut politik, natyrisht me problemet e veta, por sot nuk kemi debate në distancë. Është shumë e rëndësishme kur ulesh në tavolinë. Nuk është e thënë që të biesh dakord për të gjitha, por shohim dhe do të shtohen mundësitë për të arritur në pika kontakti dhe elementë të përbashkët të zgjidhjes. Tryeza që ju organizuat e kreu misionin e saj, apo nëse nuk gjendet një zgjidhje në Parlament për ato teknikalitete për të cilat palët debatojnë gjatë, do ta thërrisni sërish tryezën? Unë mendoj që fakti që bisedimet kanë shkuar në Parlament, fakti që Partia Socialiste është rikthyer në Parlament, fillimisht për të kryer betimin, së dyti për t'u futur në bisedime konkrete në një komision të posaçëm, ku po diskutohet pikërisht për atë çështje që e ka mbajtur Partinë Socialiste jashtë Kuvendit, besoj që është një element, i cili duhet inkurajuar për të vazhduar atje. Nuk besoj që është momenti për të bërë parashikime se si do të shkojë. Unë jam i prirur të besoj që arritja e frymës së konsensusit për të riinstaluar dialogun është pararendës i një klime për të vazhduar e për të bashkëpunuar, për të gjetur një zgjidhje të përbashkët. Partia Socialiste tashmë e ka bërë hapin e saj, i kanë dhënë fund bojkotit dhe ka hyrë në Parlament, të paktën kështu kanë dhënë të kuptohet. Nga ana tjetër, nga Partia Demokratike, çfarë duhet të ndodhë? Duhen pyetur patjetër përfaqësuesit politikë të partive respektive. Kjo analizë dhe marrja e pozicionit që nuk më takon ta marr, natyrisht që do ishte e gabuar. Duhet të pyesni kur të keni intervistë me përfaqësuesit politikë të dy subjekteve politike, për të parë se si do të vazhdojnë ta zgjidhin problemin. Sot ky problem është ekskluzivisht problem në duart e dy partive kryesore, të cilat përbëjnë dhe mazhorancat e grupeve parlamentare në Parlament. Transparenca si mund të kryhet? A mund të kryhet transparenca pa hapur kutitë e votimit? Unë kam mbajtur një qëndrim të qartë, qëndrim që i takon këtij institucioni. Duhet të dini që në momentin që kanë filluar bisedimet, para se të pyes, apo të jap fjalën për pozicionin e partive, kam përcaktuar pozicionin që imponon Kryetari i Shtetit, i cili më shumë se partitë politike, të cilat kanë shumë opsione për zgjidhje politike, ka një dokument themeltar që është Kushtetuta. Kam thënë që çdo zgjidhje për Presidentin është një zgjidhje brenda këtij dokumenti, ose janë opsionet e partive që gjejnë zgjidhjen dhe kjo u takon absolutisht partive politike, që ato të zgjidhin çështjet, për të cilat kanë debatuar prej kohësh. Në fakt kur debatojnë, ose dialogojnë dy parti lidhur me interpretimin që i bëhet Kushtetutës, duket si një dialog shurdh-memecësh, duket sikur flitet për gjëra krejt të ndryshme. Socialistët thonë që Kushtetuta nuk na e pengon, madje na e lejon hapjen e kutive, ndërsa Partia Demokratike thotë të kundërtën. Kush duhet të jetë arbitri që të vendosë të thotë se cila është e vërteta? Në të tilla raste mos mendoni që Presidenti të jetë arbitër i opsioneve, pra nëse do të jetë ky opsion, apo ai. Patjetër që kur ka çështje të karakterit kushtetues, ka edhe mekanizma. Unë nuk dëshiroj të jap receta. Në një botë demokratike, kur ka çështje të keqinterpretimit janë institucione të tjera. Për definicion, institucioni që është garant i Kushtetutës është Gjykata Kushtetuese. Ju e dini që edhe në të kaluarën, edhe vendime apo dekrete të Presidentit të Republikës mund të kenë përfunduar në Gjykatë Kushtetuese dhe jo me të njëjtin përfundim që ka pasur dekreti i Presidentit. Presidenti ka qenë i detyruar si çdo institucion tjetër të zbatojë vendimin e Gjykatës Kushtetuese. Çështja e interpretimit të Gjykatës Kushtetuese, është një çështje tjetër pastaj, pasi u takon ekspertëve të partive politike që të gjykojnë me objektivizëm për mënyrën e interpretimit të vendimeve të Gjykatës Kushtetuese dhe ka të bëjë me komisionet hetimore. Nuk është një çështje që i takon Presidentit. Flasim për ligjin shumë të debatuar të SHISH-it. Kemi një deklaratë shumë të ashpër, madje më e ashpra që mund të jetë bërë nga Ambasadori i Shteteve të Bashkuara të Amerikës kundër projektligjit që po diskutohet në Parlament. Ju keni një mesazh tuajin lidhur me këtë?

Mesazhi i Presidentit vjen gjithmonë në momentin kur ka të depozituar zyrtarisht ligjin e miratuar në Parlament. Pra, Presidenti flet me dekret dhe do të ishte gabim që unë të merrja një pozicion paragjykues për cilindo ligj, qoftë dhe për një ligj që po debatohet në strukturat parlamentare, po debatohet në media, ka prononcime. Pozicioni i Presidentit është në funksion të gjykimit që Presidenti i Republikës do i bëjë lidhur me përputhshmërinë e ligjit në momentin kur depozitohet në Presidencë. Ju i dini tre opsionet, janë të njohura, janë kushtetuese: një opsion është që kur ligji është në përputhje me parimet kushtetuese miratohet; kur Presidenti është i sigurtë që ka mospërputhje kushtetuese, ka opsionin e kthimit; ka edhe një opsion tjetër, atë të heshtjes, i cili presupozon që pas pesëmbëdhjetë ditësh ligji futet në veprim. Sa kohë ky ligj nuk ka kaluar, pra jemi në periudhën e diskutimeve dhe të debateve, natyrisht që unë nuk mund të shprehem. Do të shprehem, e kam detyrim kushtetues ligjor që të shprehem në momentin kur ligji do të vijë këtu, në Presidencë. A mendoni se ndoshta mund të ndërhyet më parë, sepse situata është e tillë që kemi dhe një deklaratë nga zyra qendrore e NATO-s në Bruksel. Aletatët janë shumë të shqetësuar... Mund të ndërhyjnë shumë faktorë në këtë debat, absolutisht që procesi i miratimit të një ligji e ofron këtë mundësi që ka grupe interesi, të cilat ndërhyjnë, ndërhyn media, ndërhyjnë partnerët dhe patjetër është e drejtë absolutisht legjitime e të gjithë këtyre faktorëve që të ndërhyjnë në këtë debat. Presidentit nuk i lejohet që të ndërhyjë në këtë debat paraprak, sepse Presidenti ndërhyn vetëm në momentin kur ka ligjin në Institucionin e Presidencës dhe kur të tjerët nuk kanë ç'të thonë më, i takon Presidentit të flasë dhe të tjerët do të shohin se cili është opsioni i Presidentit. Drejtimi i SHISH-it është njëri nga shkaqet që gjatë pesëmbëdhjetë viteve të fundit ka pasur shpesh fërkime mes Presidentit dhe Kryeministrit. Në këtë rast kemi të bëjmë me një gjë të tillë? Unë nuk mund të them asgjë në këtë fazë. Të jeni i sigurtë që unë kam qenë gjithnjë i hapur me publikun, nëpërmjet medias, në momentin kur duhet të flitet, natyrisht që do të flitet, por sigurisht që nuk kam asgjë për të thënë tani. Dje ishte dita e dyvjetorit të tragjedisë së Gërdecit. Njëzet e gjashtë viktima, procesi që zvarritet dhe që nuk ka përfunduar dhe që prej dy vitesh nuk kemi asnjë të dënuar. Si e shpjegoni ju këtë? Këtu fusim një element tjetër, pa dashur të rikthehemi në eksperiencën e atij pozicioni që kam pasur në politikë, kur kisha diapazon të gjerë për të folur, madje edhe në eksperiencën e bashkëpunimit që kam pasur me emisionin tuaj, kemi folur gjerë e gjatë. Sot unë mund të them që ndarja e pushteteve duhet patjetër të respektohet në radhë të parë nga ky Institucion ku jam, çka do të thotë që unë respektoj të gjitha institucionet. Natyrisht, me performancën e mirë, apo të dobët të këtyre institucioneve, duhet thënë që unë pres si Kryetar i Shtetit dhe si Kryetar i Këshillit të Lartë të Drejtësisë që procese të tilla të ecin, të bëjnë progres në funksion të kohës, të mos ketë zvarritje natyrisht dhe të gjykohet drejt dhe me objektivitet për një çështje, e cila patjetër konsiderohet si një ngjarje shumë e rëndë në historinë e Shqipërisë moderne. Dëshiroj të inkurajoj në linjat parimore të gjithë ata që merren me procesin, për t'iu përkushtuar në mënyrë ligjore këtij procesi, i cili realisht ka një ndikim shumë kompleks në jetën e shoqërisë dhe të institucioneve, në jetën e njerëzve edhe sidomos në jetën e familjarëve të viktimave, për të arritur një proces të drejtë dhe në kohë. Pra, nuk më mbetet gjë tjetër veçse të riinkurajoj institucionet e drejtësisë që të bëjnë punën e tyre, të bëjnë punën për të cilën janë betuar dhe besoj që nuk ka asnjë lloj fryme për të paragjykuar një proces, i cili patjetër që do ta ketë finalen e tij. Rasti i gjykimit të Gërdecit, a mendoni se tregon se ka ardhur momenti që duhet të rishikohen përmasat e imunitetit të deputetëve? Unë nuk dëshiroj që ta lidh thjesht me këtë moment, por për të folur dhe parimisht do të them atë që kam thënë dhe më përpara. Besoj që të gjithë njerëzit që janë me imunitet, përfshi edhe Presidentin e Republikës, janë njerëz, të cilët kanë ardhur nga shoqëria, janë ekstraktuar nga shoqëria, dhe për të dhënë shembullin e njerëzve, të cilët nuk fshihen pas imuniteteve besoj që qysh nga Presidenti i Republikës e të gjithë me radhë, nuk është e nevojshme që në këtë shoqëri, e cila ka kaluar trauma herë pas here, nuk është e nevojshme që njerëzit të fshihen pas imunitetit. Nuk kam parasysh askënd. Është një çështje që e diskutoj në një frymë shumë parimore dhe fakti që e nis me cilësinë time, me cilësinë e Presidentit, i cili nuk duhet të ketë imunitet, e rishpreh që imuniteti është i tepërt. Gjatë kësaj periudhe, gjatë dy tre muajve të ardhshëm ju do të duhet të propozoni, në mos gabohem, nëntë anëtarë për dy gjykatat më të larta, me nëntë vjet mandati ... Ekzaktësisht dhjetë. Dy prej të cilëve u ka skaduar afati që prej më shumë se katër muajsh. Përse nuk i keni çuar zoti President emrat për t'i zëvendësuar? Nuk është e vështirë për mua që të dërgoj dy njerëz në Parlament, por është një çështje, të cilën unë e kam bërë prezente dhe para aktorëve kryesorë politikë, e kam bërë prezent dhe para partnerëve ndërkombëtarë. Kam dashur që anëtarët e Gjykatës së Lartë dhe ata që do të vijnë më prapa, anëtarët e Gjykatës Kushtetuese që nga nëntë, janë gjashtë, kanë një kohëzgjatje nëntëvjeçare, është një ndërmarrje shumë e rëndësishme, do të doja të zgjidhen nga një Parlament ku të jenë të pranishëm të gjithë. Kam shpresuar që ata që do të dërgojmë, të jenë në një vendimmarrje të gjerë parlamentare, por ju siguroj që ata që kanë kaluar në afat, jam i detyruar që mbas një periudhe të gjatë pritjeje, jam i detyruar t'i dërgoj, ndërsa për pjesën tjetër unë uroj që të ketë një pjesëmarrje të gjerë parlamentare, për një vendimmarrje shumë të rëndësishme, për institucione kaq të rëndësishme, ku politika në mjaft raste është e detyruar që të orientohet, ta ketë si pikë referimi sistemin e drejtësisë.

E keni gati listën e këtyre dhjetë gjykatësve të Gjykatës së Lartë dhe asaj Kushtetuese? Ashtu siç e kam paralajmëruar, do të ketë patjetër një konsultim të gjerë. Këto janë vërtetë përgjegjësi kushtetuese që i njihen Presidentit, por asnjëherë zgjidhjet dhe përzgjedhjet nuk duhet të jenë personale. Dëshiroj t'i jap një sfond më të gjerë. Asnjëherë njeriu nuk duhet të mendojë që di gjithçka edhe kur informacionin e ka të brendshëm, por duhet ta bëjë objekt të një diskutimi. Është shumë e rëndësishme që të jenë zgjedhje shumë cilësore, mundësisht të pakontestura, dhe të japin shansin dhe sigurinë që do të drejtojnë dy institucione shumë të rëndësishme që do të japin drejtësi për një kohë relativisht të gjatë. Janë nëntë vjet. Nëntë vjet nuk janë pak. Sipas Kushtetutës së Shqipërisë anëtarët e Gjykatës Kushtetuese dhe Gjykatës së Lartë kanë një kohëzgjatje prej nëntë vjetësh, ndërkohë që cikli i një mazhorance është katërvjeçar, cikli i një Presidenti është pesëvjeçar, ndërsa këto gjykata të rëndësishme kanë një cikël nëntëvjeçar. Pra, duhet të jemi jashtëzakonisht të kujdesshëm, duhet të arrijmë në finalen e një procesi që nuk duhet të ketë kontestime. Me kë do të konsultoheni? Fryma e konsultimeve është e gjerë, me njerëz që kanë eksperiencë në jurisprudencë, pse jo dhe me faktorë të jetës institucionale për ta kaluar pastaj në një vendimmarrje politike, e cila realizohet në Kuvend. Para se t'i çoni në Kuvend, duke pasur parasysh dhe precedentin kur ju rrëzuan gjashtë propozimet tuaja, të cilat ju i quajtët një pushkatim politik që iu bë atyre gjashtë pretendentëve për Gjykatën e Lartë, a mendoni se duhet të konsultoheni dhe me Kryeministrin dhe pse jo dhe me shefin e opozitës? Nuk besoj që në këto momente është mirë të rikthenim disa eksperienca, të cilat konsiderohen të tejkaluara. Unë besoj që ajo që po them ofron të gjithë mundësinë ku njerëzit, të cilët do të konsultohen, të kenë shansin të shprehin pikërisht atë që konsiderohet objektive dhe pastaj dihet që në finale është vendimmarrja politike, që realizohet në Parlament. Askush nuk mund të dalë jashtë këtij vullneti sipas frymës së Kushtetutës. Të gjitha gjërat janë të sanksionuara në ligje dhe në Kushtetutë, por është shumë e rëndësishme që fryma e konsultimit të jetë në sensin profesional dhe në çështje integriteti të këtyre personave, pastaj vendimmarrja politike është një çështje që u takon partive politike. Gjykata Kushtetuese e rrëzoi marrëveshjen për kufirin detar me Greqinë dhe qeveria bëri të ditur se do ta rinegociojë këtë marrëveshje. Ju keni dijeni, kanë rinisur negociatat, apo gjithçka ka ngelur pezull? Mua më vjen mirë që institucionet e Shqipërisë respektojnë vendime e Gjykatës Kushtetuese, por deri në këto momente, përderisa është marrëveshje shtetërore, që parakupton edhe marrjen e pëlqimit, deri tani në Institucionin e Presidentit nuk ka mbërritur një kërkesë për dhënien e pëlqimit për të filluar negociatat. Një moment i rëndësishëm mbetet ai i liberalizimit të vizave për qytetarët dhe pak ditë më parë Drejtori i Divizionit të Zgjerimit, zoti Pier Mirel, në një vizitë që bëri në Tiranë, u shpreh se duhet gjetur një zgjidhje, duhet gjetur një zgjidhje para datës tetëmbëdhjetë dhe i sugjeroi Kryetares së Parlamentit që duhet të luaj një rol konstruktiv që zgjidhja të gjehet në Parlament. Ju çfarë keni për të shtuar në këtë çështje? Por besoj që shprehja e zotit Pier Mirel ka qenë e qartë dhe unë nuk kam çfarë t'i shtoj. Është bërë në një kontekst të caktuar, në një pozicion të caktuar, për një institucion të caktuar. Nuk e shoh të arsyeshme që të bëj një mbivendosje në shprehjen e zotit Mirel. Ata e ndjekin situatën, dinë ku është problemi. Problemi tani realisht është në debatin parlamentar dhe është e natyrshme që edhe zgjidhja duhet të jetë atje, në Parlament. Unë uroj që zgjidhja të vijë nëpërmjet dialogut dhe një vendimmarrjeje parlamentare! Nëse nuk ka zgjidhje në Parlament për shkak të qëndrimeve, të cilat ende palët mbajnë vis a vis me njëra-tjetrën, të kreshpëruara me njëra-tjetrën, a mendoni se ky proces i liberalizimit të vizave rrezikon? Sigurisht, kjo është thënë nga shumë aktorë institucionalë ndërkombëtarë, që gjërat janë të varura nga fryma e zhvillimeve politike në Shqipëri, nga stabiliteti politik në Shqipëri dhe nga këndvështrimi parimor, patjetër që influencon. Unë dëshiroj që të gjithë të jenë të ndërgjegjshëm që ta inkurajojnë frymën e dialogut, të bashkëpunimit, edhe pse natyrshëm gjithmonë do të ketë mosmarrëveshje të karakterit politik, ndryshe nuk do të kishte sens pozitë dhe opozitë. Kjo është arsyeja që quhen pozitë dhe opozitë se janë në oponencë me njëra-tjetrën, por për gjërat që kanë një interes mbarëkombëtar duhet patjetër që të shtojnë sinergjizmin e tyre, që t'i japin zgjidhje këtyre çështjeve që njerëzit i përjetojnë me shumë emocion. Nëse nuk ka zgjidhje, a mendoni se mund të ketë zgjedhje për të kaluar "impasse"-n në qoftë se opozita vazhdon bojkotin? Është shumë e thjeshtë që të realizosh këtë pyetje si gazetar, por natyrisht edhe si President, nuk mund të jem profet. Nuk mund të jem profet. Gjithçka varet nga vullneti. Unë jam i prirur të mos shkoj tek pjesa pesimiste e çështjes. Gjithmonë jam i prirur të jem optimist, jam i prirur të mendoj se gjërat do të shkojnë në drejtimin e duhur.

FUND

KOMENTE