Tiranë, 23 Mars NOA - Një shpërthim ka ndodhur disa minuta më parë në mjediset e pasme të hotel "Rogner", përballë godinës së Kryeministrisë, si pasojë e plasjes së një bombole gazi në kuzhinën e restorantit.
Bëhet e ditur se plasja e bombolës ka shkaktuar zhurmë dhe alarmim të forcave të sigurisë së Kryeministrisë, por nuk ka raportim për asnjë të lënduar ndërsa konstatohen dëme të vogla materiale.
Burimet në vendngjarje i thanë agjencisë NOA se në të njëjtën kohë me shpërthimin që u karakterizua nga dy-tre të tilla, të vogla, ndodhi dhe një aksident pikërisht midis Kryeministrisë dhe hotel "Rogner", me pasojë dëmtimin e dy autoveturave, edhe këtu, pa të lënduar.
Edhe pak muaj më parë, një tjetër incident u shënua tek hotel "Rogner", kur shpërtheu një zjarr pa pasoja të mëdha materiale, por nuk ka të dhëna nëse policia ka hetuar mbi nivelin e masave të sigurisë në këtë hotel të njohur.e.r/NOA
