Moskë, 23 mars, NOA - Alkooli po kthehet në një vrasës të frikshëm për popullatën ruse, sidomos në vitet e fundit, e kjo falë shtimit të vartësve ndaj tij.
Një fakt i tillë pohohet në një studim të fundit sipas të cilit, konsumimi në sasi të mëdha i vodkës së lirë është arsyeja kryesore e mesatares së ulët të jetëgjatësisë në Rusi.
Studimi në fjalë, pohon se mesatarisht një rus pi 15 deri në 18 litra vodkë në vit.
Një pije kjo, mjaft e fortë, e cila e rrezikon seriozisht jetën e një rusi.
Sipas studiuesve në fjalë, përdorimi i alkooleve të forta e shkurton jetëgjatësinë me 9 deri në 10 vjet.
n.e/NOA
