Athinë, 31 mars, NOA - Greqia ka nisur të përpiqet për të mbledhur brenda saj sasinë e parë të miliardave të eurove që i duhen për të likujduar defiçitin e lartë buxhetor.
Kështu, Athina zyrtare ka lëshuar obligacionet e para qeveritare, duke mbledhur 5 miliardë euro të cilat do të përdoren për uljen e nivelit të defiçitit.
Në dukje ende e vogël, kjo shifër të paktën ka shërbyer për të dhënë sinjalet e para se vendi po ndërmerr masa për të dalë nga gjendja e krizës së lartë ekonomike, në të cilën gjendet.
Kjo masë është marrë vetëm pak ditë pas marrëveshjes se Gjermanisë dhe Francës për të ndihmuar Greqinë, dhe mesa duket Athina zyrtarë kërkon t'u japë të huajve shembullin e parë se po përpiqet të dalë nga kriza.
n.e/NOA
