Torino, 3 Prill NOA - Tekniku Juventusit, Alberto Zakeroni është shprehur për situatën e ekip të tij në këtë periudhë të kampionatit duke theksuar se tashmë Juventus duhet të marrë vetëm rezultate pozitive.
"Tashmë nuk ka mbetur dhe shumë kohë dhe duhet të shpejtojmë për të arritur në vendin e katërt të klasifikimit, pasi dhe ndeshjet e mbetura nuk janë të shumta", - deklaroi Zakeroni.
Këtë herë siç pohoi dhe vetë tekniku bardhë e zi, skuadra ka zhvilluar përgatitjen fizike gjatë gjithë javës dhe në ndeshjen e ardhshme me Udinezen, ata ndihen në një formë mjaft të përshtatshme.
Për sa i përket formacionit e sigurt është prezenca e Melos, i cili do të aktivizohet që nga minuta e parë e takimit ndërsa për sa i përket mungesave të sigurt janë Buffon, Caceres, Chiellini dhe Iaquinta.
Duke parë që dhe Diego nuk është në gjendjen e tij optimale fizike, atëherë Zakeroni mund të aktivizoi nga minuta e parë dhe Giovincon.
r.b/NOA
