Romë, 3 prill, NOA - Kritikat ndaj papës dhe kishës katolike rreth skandaleve seksuale në media janë cilësuar të njëllojta me dhunën kundër hebrenjve. Komentet janë bërë nga prifti Raniero Kantalamasa, në fjalimin e mbajtur dje në Bazilikën e Shën Pjetrit në Vatikan.
Por komenti i tij ka sjellë dhe reagimin e grupeve hebreje dhe viktimave të abuzimeve seksuale nga peshkopët katolikë.
Duke qëndruar i ulur pranë papës, Kantalamesa i krahasoi kritikat ndaj papës dhe kishës me atë që e quajti "dhunë kolektive" që e vuajtën hebrenjtë gjatë historisë.
Liderët e grupeve hebreje i quajtën vërejtjet të pavend dhe fyese, duke thënë se miliona hebrej kanë vdekur për shkak të sulmeve anti-semitiste, por skandalet për abuzimet seksuale katolike nuk kanë çuar në vrasje dhe shkatërrime masive.
m.xh/NOA/ANSA
