Shkodër, 5 prill, NOA - Një ngjarje aksidentale i ka marrë jetën një vajze dy vjeçare nga qyteti i Shkodrës. Vajza quajtur B. Elbasani, e datëlindjes 13. 09. 2008, ka humbur jetën sot, pasi mbi të është rrëzuar dera e oborrit.
Policia njofton se "nga informacionet e para rezulton se fëmija është dëmtuar aksidentalisht në banesën e saj, pasi është shembur dera e oborrit të shtëpisë duke e zënë poshtë".
Familjarët e kanë çuar dy vjeçaren në Urgjencën e Spitalit Rajonal Shkodër, por me gjithë ndihmën e dhënë nga mjeket vajza ka ndërruar jetë në Spital.
m.xh/NOA
