Tiranë, 7 Prill NOA Update - Policia e Tiranës u shpreh zyrtarisht pak çaste më parë mbi ngjarjen e ndodhur sot rreth orës 12.30 në Bulevardin "Zogu I" në tarracën e një pallati të ndodhur përpara Ministrisë së Drejtësisë.
Përmes një komunikimi për mediat, zëdhënësja Alma Katragjini tha se "Ferit Haxhiu, 52 vjeç, banues në Lagjen Nr. 8 Durrës, së bashku me tre fëmijët e tij, kishin hipur në tarracën e këtij pallati, dhe në shenjë proteste kërkonte, që problemi i tij të trajtohet nga Ministria e Drejtësisë.
Në vendngjarje mbërritën menjëherë shërbimet e policisë dhe pas negociatave me të, bënë të mundur zbritjen e tij të dhe të fëmijëve, pa lëndime, - tha Katragjini.
Mësohet se pas intervistimit nga Policia, 52-vjeçari Ferit Haxhiu është pritur edhe nga zyrtarë të lartë të Ministrisë së Drejtësisë, të cilët po marrin në trajtim kërkesën e tij.
e.r/NOA
