Tiranë, 8 Prill, NOA - Qeveria e Shqipërisë do të mbështes qeverinë e Kosovës në krijimi e harmonisë dhe bashkëjetesës mes komunitetit serb në veri të Kosovës. Deklarata është bërë nga kryeministri Sali Berisha gjatë takimit që pati sot me Koordinatorin e Qeverisë së Kosovës për Veriun, Ylber Hysa.
"Qeveria shqiptare do të vazhdojë të mbështesë qeverinë legjitime kosovare, në të gjitha aspektet e jetës ekonomike, politike dhe shoqërore, në të gjithë territorin e saj, si dhe çdo faktor e iniciativë, që synon zhvillimin e integruar, progresin, e harmoninë midis komuniteteve në Mitrovicë", ka thënë Berisha.
Berisha ka theksuar në takim dhe rëndësinë që ka thellimi i reformave në Kosovë për demokratizimin e vendit dhe "fuqizimin si shtet në krejt përmasat e Republikës".
Ai ka shprehur bindjen se përparimi i vënë re në zgjedhjeve të fundit vendore në Kosovë dhe konsolidimi i demokracisë në Serbi, "do të krijojnë kushte që edhe krahina kosovare multietnike e Mitrovicës të involvohet në të ardhmen në këto procese, pavarësisht situatës aktuale".
Përfaqësuesi i qeverisë së Kosovës, Hysa vlerësoi qëndrimin parimor dhe konstant të qeverisë shqiptare. Ai, i paraqiti Kryeministrit Berisha një tablo rreth zhvillimeve të fundit në këtë krahinë.
m.xh/NOA
