Më shumë foto te Galeria
Prishtinë, 8 Prill NOA - Në një ushtrim të përbashkët në mes Njësiteve Speciale Operative të Policisë së Kosovës dhe ato të EULEX-it u vlerësua gatishmëria e këtyre njësiteve në rast nevoje të reagimit të ndonjë situate të kontrollit të turmave (demonstratave).
Mbi 100 oficerë të Njësisë Speciale Operative nga PK-ja dhe Policia e EULEX-it u përballën me "demonstruesit e dhunshëm" në Kampin e të quajtur "Vrella" në afërsi të Aeroportit Ndërkombëtar të Prishtinës.
Skenari i përgatitur më një "turmë" të cilët fillimisht protestuan në mënyrë paqësore e më vonë duke u bërë të dhunshëm, kishte për qëllim që të shikojë nivelin e përgatitjes profesionale të këtyre njësiteve të PK-së dhe EULEX-it për reagim.
Ky ushtrim përveç demonstrimit të gatishmërisë, tregoi edhe nivelin e mirë të komunikimit të mes njësiteve policore vendore dhe atyre ndërkombëtare ashtu siç është e paraparë në bazë të Procedurave Standarde të Veprimit.
Zyrtarë të lartë të MPB-së, Policisë së Kosovës dhe nga EULEX-i etj e vlerësuan lart përgatitjen profesionale të Njësiteve Speciale të Policisë së Kosovës dhe EULEX-it që morën pjesë në këtë ushtrim.
Ministri i MPB-së, Bajram Rexhepi dhe Drejtori i Përgjithshëm i Policisë, Behar Selimi, vlerësuan lart përgatitjen profesionale të këtyre njësiteve për menaxhimin e turmave protestuese.
Te Galeria gjeni foto nga ky ushtrim i përbashkët në mes PK-së dhe komponentës policore të EULEX-it
