Beograd, 8 prill, NOA - Zëvendëskryeministri i qeverisë serbe Ivica Daçiç i ka thënë zëvendëssekretarit amerikan të Shtetit, Xhejms Sienberg se Serbia dëshiron bashkëpunim të mirë me përfaqësuesit e bashkësisë ndërkombëtare në Kosovë, KFOR-in, UNMIK-un dhe EULEX-in, sepse qëllimi i saj është që në Kosovë të ketë paqe dhe siguri për të gjithë qytetarët.
Siç është njoftuar pas takimit, Daçiç dhe Steinberg kanë shprehur kënaqësinë për bashkëpunimin e ministrisë së Punëve të Brendshme të Serbisë dhe strukturave të sigurisë në Shtetet e Bashkuara, në luftën kundër krimit të organizuar dhe terrorizmit.
Zyrtari i lartë amerikan është takuar edhe me presidentin e Serbisë, Boris Tadiç.
Pasdite përfaqësuesi i qeverisë së SHBA-ve do të vizitojë Kosovën.
m.xh/NOA/RFE
