Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Votimi elektronik, Rama: Është utopi
English

Votimi elektronik, Rama: Është utopi

Tiranë, 9 prill, NOA, Update- Kryetari i Partisë Socialiste Edi Rama ka hedhur poshtë mundësinë e zhvillimit të zgjedhjeve të radhës me sistemin elektronik të votimit.

Ai u shpreh se paralelizmi me Estonin dhe Shqipërinë nuk qëndron, pasi kemi të bëjmë me një vend që ka një zhvillim më të madh elektronik.

"Nuk kam asnjë kundër, por jam i bindur se është një utopi e parealizueshme në realitetin shqiptar", u shpreh kreu i PS-së në bashkëbisedimin me gazetarët.

Kryetari i Partisë Socialiste theksoi se është faji i medias që ide të tilla i hedh për konsum publik pa i analizuar më parë. Më pas ai ka bërë një pasqyrë të votimit elektronik në Estoni.

"Në Estoni votimi elektronik bëhet me internet duke qenë në avangardë me zhvillimet elektronike. Vetëm 25 për qind e njerëzve votojnë elektronikisht dhe 75 për qind e votuesve shkojnë vetë fizikisht", është shprehur Rama.

Ai e ka cilësuar këtë ide si një lëvizje të kryeministrit Berisha për të hequr vëmendjen nga situta politike. Ndërsa gazetarëve u është drejtuar me shprehjen se "ku e gjeni ju lidhjen mes Shqipërisë dhe Estonisë, ku nuk ka asnjë shans shtrirja e internetit dhe garantimi i zgjedhjeve përmes internetit".

Kreu i PS-së ka shtuar se është më e rëndësishme që shqiptarët të votojnë sipas ligjit.

"Nuk ka rëndësi nëse voton me internet apo me mushkë, rëndësi ka që të zbatohet ligji", tha Rama.

m.xh/NOA

KOMENTE