Canelli, Itali 12 Prill NOA - Kanë qenë tre shqiptarë të cilët janë ndaluar falë forcave policore të Canellit me akuzën e armëmbajtjes pa leje.
Të tre ishin në bordin e makinës së tyre të tipit Fiat Bravo dhe gjatë arrestimit atyre iu gjend një pistoletë e cila ishte e mbushur dhe me fishek në gojë, e gatshme për qitje, e cila gjendej në sedijen e mbrapme të makinës ku u gjetën dhe shumë fishekë të tjerë.
Më pas në kontrollin e imët që iu bë makinës, u gjend dhe një armë tjetër dhe një shkop druri (shko bejsbolli) të cilët ndodheshin në bagazhin e autoveturës së shqiptarëve.
Sipas burimeve policore është bërë e ditur se ata ishin nisur të armatosur në drejtim të një misioni që mund të kishte pasoja të rënda dhe falë ndalesës që u bë diçka e tillë nuk ndodhi.
Identiteti i tyre ende nuk është bërë i ditur por, mosha e tyre është ndërmjet 21 dhe 24 vjeç.
Për të tre u mor masa e menjëhershme e arrestit ku materialet e kësaj ngjarjeje i kanë kaluar prokurorisë lokale për hetime të mëtejshme.
r.b/NOA
