Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ekstradohet Doku nga Milano, vrau për hasmëri në Tiranë
English

Ekstradohet Doku nga Milano, vrau për hasmëri në Tiranë

Tiranë, 14 prill NOA - Plot 13 vjet pasi kreu një vrasje në Tiranë, ekstradohet në vendlindjen e tij një burrë që për hasmërinë që kishte i mori jetën një burri dhe plagosi një tjetër.

Zyra Qendrore Kombëtare Interpol Tirana tha sot se u krye ekstradimi nga Milano, Itali, drejt vendit tonë, i të kërkuarit shqiptar Besim Hamdi Doku, 50 vjeç, lindur në Tiranë.

Ky shtetas ishte shpallur në kërkim ndërkombëtar, pasi Gjykata e Rrethit Tiranë, me vendimin nr. 692, datë 25. 06. 2004, e ka dënuar Besim Doku me 23 vjet burgim, për kryerjen e veprës penale të "Vrasjes me paramendim në bashkëpunim, e mbetur në tentativë" si dhe "Mbajtjes pa leje të armës luftarake", parashikuar nga nenet 78, 25, 22, 278/2, të Kodit Penal të Republikës së Shqipërisë.

Besim Doku, në datë 19 maj 1997, rreth orës 21.00, te zona "Bregu i Lumit", Tiranë, ka vrarë me armë zjarri për motive hasmërie shtetasin Ilmi Cuka dhe ka plagosur shtetasin D. Cuka.

Drejtoria e Përgjithshme e Policisë së Shtetit tha se si rezultat i bashkëpunimit të Interpol Tirana me Interpol Romën, u bë i mundur arrestimi, me qëllim ekstradimi drejt vendit tonë i shtetasit Besim Hamdi Doku.

Në aeroportin "Nënë Tereza" në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.

e.r/NOA

KOMENTE