Florida, 18 prill, NOA - Të dy protagonistët e këtij lajmi u takuan në Facebook dhe janë bërë miq, sepse kishin të njëjtin emër e mbiemër.
Ajo, Kelly Hildebrand jeton ne Florida, ndërsa ai, Kelly Hildebrand jeton në Teksas dhe u takuan rreth tre muaj më parë, ndërsa tani kanë vendosur të martohen.
Gjithçka nisi me takimin e parë kur ajo kërkoi adashin e saj në rrjetin shoqëror të netuorkut, Facebook.
"Kërkova mos kishte Kelly Hildebrand të tjerë, - ka thënë vajza, - por ai ishte i vetmi. Më pas, i pashë foton e tij të profilit dhe gjëja e parë që mendova ishte: Eh, jo keq!".
Dhe me sa duket, edhe djaloshi me emrin Kelly, është intriguar menjëherë nga kjo gjë. "Gjëja e parë që kam shkruar ishte: Përshëndetje, ne kemi të njëjtin emër, është goxha këndshëm", tregon ai. a.k/NOA
