Spanjë, 18 Prill NOA - Pas një serie golash të realizuara nga Lionel Messi tashmë argjentinasi, duket se ka bërë një turn pushim ku në ndeshjen me Espanyol ai nuk arriti të shënonte dhe skuadra e Barcelonës u ndal pa fituar.
Formacioni i Guardiolës u bllokua në një rezultat të barabartë 0 me 0, në derbin me Espanyol, ku me këtë rezultat ata i kanë dhënë mundësi Realit të Madridit për të ngushtuar diferencën e pikëve midis dy ekipeve.
Ishte një ndeshje tepër e tensionuar e cila pati dhe pasojat e saj, ku në radhët e ekipit të Barçës u largua me kartonin e kuq Dani Alves, ku ky i fundit la ekipin e tij me dhjetë lojtarë për 20 minutat e fundit të sfidës.
Për tu përmendur është dhe futja e Ibrahimoviç i cili mundi të luante vetëm në minutat e fundit të takimit.
r.b/NOA
