Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha: E mbajta fjalën, që nga 2005 s'është dënuar asnjë gazetar
English

Berisha: E mbajta fjalën, që nga 2005 s'është dënuar asnjë gazetar

Tiranë, 23 prill, NOA - Qeveria mbetet thellësisht e vendosur të respektojë mediat, por edhe të ruajë pavarësinë.

Me këto fjalë është shprehur në fjalimin e tij, kryeministri Sali Berisha, gjatë konferencës për mediat "Viti 2010, informacioni në kohën e krizës", organizuar nga "La Gazzetta del Mezzogiorno".

"Administrata ime, qeveria ime në përputhje me një premtim elektoral ka ndaluar tërësisht çdo lloj padie civile apo penale ndaj mediave. Nga shtatori i vitit 2005 gjer më sot nuk ka asnjë gazetar që të jetë paditur për çështje penale apo civile, nga cilido punonjës i administratës shqiptare. Dhe kjo përbën një arritje të madhe", tha ai.

Sipas tij, "mediat janë pushtet, fuqia e të cilave përcaktohet nga profesionalizmi i tyre. Kanë dështuar dhe dështojnë mediat që humbasin pavarësinë; kanë dështuar politikanë që bëhen medio-dipendentë".

Duke e vlerësuar temën si shumë të rëndësishme, kryeministri Berisha u shpreh se mediat kanë qenë një prej fushave ku janë ndjerë më shumë se kudo pasojat e krizës globale, por që njëkohësisht dhanë një kontribut të jashtëzakonshëm në transparencën e kësaj krize dhe zbardhjen e saj. Gjithashtu kryeministri Berisha, duke vlerësuar rolin e mediave si një pushtet i pavarur, theksoi se të gjitha ato media që humbasin pavarësinë e tyre, janë të destinuara që të dështojnë.

Sipas kreut të qeverisë, media dhe kriza përbëjnë një raport shumë të rëndësishëm për shoqërinë e lirë.

"Mediat kanë ndjerë më shumë se pushtetet e tjera, pasojat e krizës. Kjo krizë ishte një apel për mediat që të bëjnë një kthesë më të fuqishme në drejtim të mediave online. Dhe unë mendoj se fuqizoi shumë karakterin e tyre online. Unë e kuptoj që klasikja është klasike, letra është letër, por e vërteta është se shoqëria po spostohet, po zhvendoset, gjithnjë e më shumë nga klasikja drejt online", vuri në dukje Berisha lidhur me transformimin më të fundit të mediave në vendin tonë.

n.e/NOA

KOMENTE