Tiranë, 1 maj, NOA – E njohur si dita e Punëtorëve, kjo e sotmja ka nisur me protesta të grupimeve të ndryshme, përveç mbështetësve të opozitës, të cilët kanë nisur që dje pasdite një protestë poshtë godinës së qeverisë.
Kështu, bëhet me dije se sindikata e Minatorëve i është bashkuar protestës së Partisë Socialiste në ditën e 1 Majit, duke marshuar në bulevardin "Dëshmorët e Kombit" bashkë me protestuesit opozitarë.
Me parullat që mbajnë në duar, minatorët kërkojnë më shumë të drejta dhe plotësim të kërkesave të tyre, e në këtë mënyrë i janë bashkuar protestës së Partisë Socialiste, duke kërkuar nga kryeministri Sali Berisha zgjidhjen e krizës ekonomike që ka përfshirë vendin.
n.e/NOA
