Mogadishu, 1 maj, NOA - Shpërthimi i dy bombave në një xhami në kryeqytetin e Somalisë, Mogadishu ka sjellë humbjen e jetës për të paktën 30 vetë dhe plagosjen e 70 të tjerëve.
AP transmeton zyrtarët të kenë thënë se shpërthimet kanë ndodhur në kohën kur besimtarët ndodheshin në xhami.
Në kohën e shpërthimit, në xhami ndodhej edhe Fuad Mohamed Kalaf, zyrtar i lartë i lëvizjes islamiste Al Shahab, por nuk dihet nëse ka mbijetuar sulmin.
Askush ende nuk e ka marrë përgjegjësinë për sulmin, i cili është i pari i këtij lloji në Somali. Në fillim të javës, dy vetë e humbën jetën nga shpërthimi i një bombe para një xhamie.
NOA/
