Tiranë, 4 maj, NOA – Një “barrikadë artificiale” e ka cilësuar zv/kryeministri Ilir Meta, gjatë një prononcimi të tij për mediat, protestën maratonë dhe grevën e urisë së iniciuar nga Partia Socialiste.
Sipas tij, veprime të tilla nuk i shërbejnë aspak momentit në të cilin gjendet vendi dhe që është ai i proceseve të mëdha integruese.
“Momenti është për dialog dhe për zgjidhje që vijnë përmes tij dhe respektimit të institucioneve”, ka thënë ndër të tjera, numri dy i qeverisë.
Duke shtuar se ai “shpreson në vendosjen e një dialogu të shpejtë për ta kaluar këtë situatë”.
Meta ka shtuar ndër të tjera se nuk e paragjykon një veprim të tillë, por kjo sipas tij, nuk është zgjidhja e duhur e situatës.
“Situata të tilla po shkojnë në favor të kundërt për vendin, i cili gjendet para momenteve të rëndësishme historike”, ka përfunduar prononcimin e tij, zv/kryeministri Ilir Meta.
n.e/NOA
