Bon, 5 maj, NOA - Uve Mitzscherlich, një 39-vjeçar nga ish-Gjermania Lindore, është martuar me macen e tij të moshuar e të sëmurë duke zyrtarizuar kështu dashurinë e tij të vjetër.
Pak rëndësi ka pasur për 39-vjeçarin nëse ligji gjerman ndalon martesat me kafshët.
“Midis meje dhe Cecilias (maces) është një lidhje e harmoni e brendshme zemrash. Është një gjë unike", ka thënë Mitzscherlich për “Bild”, duke shpjeguar se e ka njohur macen dhjetë vjet më parë, gjatë pushimeve në bregdetin Baltik.
Dhe tani që asaj i afrohet koha e lamtumirës, njeriu ka vendosur të marrë këtë hap.
Mitzscherlich, i veshur me frak dhe kapele cilindrike është prezantuar përpara “nuses” të tij të veshur me një fustan-mini nusesh.
a.k/NOA
